Baka ke diatu, bala kita tuai rumah sigi
dianjung diansak sereta ditunduk ke sekeda orang. Kita bejalai ke pengawa
ngemai minching nembiak. Endang kita tu mih diasur ngiring-ngembing bala rakyat
negah jalai pemansang. Mayuh isu politik deka ditunga ditanya sereta dipusinka
orang ba mua kita. Anang kita lalu limpang percaya arap seratus peratus. Pansik
enggau manah-manah. Kita mayuh ga enda nemu pasal video Global Witness nyadi
peda dulu video nya ngambika nambahka runding kita.
Anang kitai gaga meda tanah kitai dikumbai nadai kena ambi sekeda orang. Laban ukai kitai ke megai surat pala tanah kandang sigi menua. Sigi semua utainya dipegai upis tanah enggau survei. Anang ga kita enda arap ka rita Tanah kitai dijual bala Ketua Menteri.[1] Nya alai, ajar bala rakyat anang ka ninga semua utai ke disebut YB BN semua nya betul. Enda. Tanya bala YB kitai Iban bakani ke runding sida senentang video nya. Puas ke enda ati sida.
Pia mega aki enggau aya tuai rumah. Enti
sema sida ngasuh narit rakyat rumah kita ngundi BN, anang ngereja nya
sekali-kali. Awakka demokrasi bejalai manah ba menua kita. Kita ukai gawa ke BN
tang gawa ke Kerajaan Malaysia. Pembangkang ukai reti PKR lalu perintah enda
semesti iya BN. Bn pan nyadi pembangkan ba empat buah negeri ba semenanjung.
Enti ba menua kitai Julau din endang kelalu
angat. Utai tu ke patut diperati ke kitai. Pilih wakil ke amat bisi penemu
anang milih orang ke mechah ke bansa kitai empu. Pia mega orang ke nemu gawa
bejalai pemansangka kitai. Peda sepuluh taun tu tadi nama pemansang udah bisi.
Ke peda aku tak nadai amat utai udah ulih . anang ke agi dipeda sekumbang kitai
udah Merdeka. “Beri peluang ngagai aku sekali agi ko YB” enda patut kita ka
meri peluang nyau tiga kali ga.
Aku nemu aku nadai puku sereta enda patut
meri jaku ajar ngagai kita ke Tuai tang aku arap amat ke kita. Sekumbang
berandau begulai enggau kita manah amat penemu dipansutka kita tang jaku ke
dipansutka kita enda kala didinga bala ‘perintah’. Nyadi ambi mih peluang ke sekali
tu endur kitai berubah sereta ngubah bala kitai empu.
Anang mih nangi ka periuk asi diri. Utai ke
patut dikenangi nasib bansa kitai empu.
No comments:
Post a Comment