Nembiak Ditagang Ngambi Peresa

Nembiak ke enda enggau peresa Upsr iyanya anak iban. Enti nyema nya ketegal sida iya enda pandai patutka enda sida ditagang ari ngambi peresa.

 Ba senentang tu kitai patut berati ka ari semua punggang.
1. Nembiak nya amat nadai nemu utai sekali kali.
2.Pengajar ngemeratka pemutus peresa tauka NKRA ke udah ditetapka perintah.
3.Nembiak nya amat enda datai maya peresa.
4. Perintah empu deka muai peresa UPSR enggau PMR ari sistem pelajar.( tu endang udah disemaya ari dulu)
5.Sistem pelajar ke bedau tegap ba Menua Malaysia.
6.Politik.
7. Pemansang sosial bansa iban empu ba menua nya.
    
  
nembiak nya dipelaba ka aku sigi bedau apus tiang. enti kitai berati ka mua sida tiga ba news endang nadai ubah sekali. Ba sekeda tumpuk pendiau endur kitai orang baka tu enda kala nadai. Nya mih mayuh dikumbai kitai ama, gau, enggau enda sebaka enggau pendiau orang bukai. Orang ke baka tu suah amat ngaga penyarut maya gawai, ngirup, enggau begulai enggau diri sama diri. Ba runding aku sida tiga tu sigi enda baka tu, tang nama kebuah sida iya empu deka enda diasuh enggau peresa dih. e Enti kitai berati ka nembiak kemaya dudi sida lebih agi nemu ari bala kitai ke dulu begunaka teknologi, enda patut sida enda nemu nama utai ke patut tauka responbiliti ngagai diri empu. Aku mega kala betemu enggau kes ke baka tu. taun nyin kemari mayaka agi sekul siku nembiak lelaki ditagang pengajar ari nagmbi peresa PMR ketegal bepekayan enda nitihka atur sekula, iya enda enggau kertas BM PMR. Nembiak nya serumah enngau ku empu.Sapa salah ba senentang tu dih? Nama kebuah kes tu enda laku baka kes dudi tu dih.?

 sigi sigi sekula emdang ditetapka perintah NKRA(national Key Result area) kediri empu. Semua institusyen perintah patut ngerembai nitinka atur. Ba kes tu pengajar ngemeratka pemutus lalu nagang nembiak nya ari ngambi peresa. Enti kitai udah digaga targer ke baka nya nadai salah kitai ngereja utai ngambi teulih ke juluk nya. anag besalahka pengajar enggau kepala pengajar dalam penusah tu. Sida udah ngereja utai ke patut digaga sida empu. Rasional sida ngaga utai bakatu, pengajar mereti agi tentang ulah nembiak sida empu. Enti nembiak nya amat temu enda ulih kapa ngasuh enggau dih. Enda patut nganjung orang bangkung ngarika Malaysia dalam 100 meter, enggai nganjung orang bajung enggau Safee Sali ngarika Malaysia, enda patut nganjung orang buta enggau pekit nimbak. Nya alai, stindit pelajar kitai enda setipak enggau peneka ati kitai. Ngaga juluk tinggi tang enda ulih dijengkau.

Enti nembiak nya enda kala datai sekula tau ka jarang sekula, sapa ke salah. Pengajar tauka nembiak. Enti apai indai iya pan enda nemu ulah, utai ke ulih anak sida ba sekula bisika enda sida betanya ngagai pengajar. Tanya dulu sida iya. Ngelala ke Enda sida bala pengajar dia.? Nama kebuah narit repot polis dih? Enti pengajar amat salah saman mih.