Aku rindu berandauka bansa diri dalam pemansang runding enggau politik kitai empu. Mayuh amat bala kitai terpelajar ke diatu lalu mayuh amat bala graduate ari semua universiti. Gerempung Raban Dayak Sekula Tinggi udah bisi lalu sida tu suah amat bejalai ka pengawa meri peransang ngagai bala bukai.
Tang kitai empu meda dini endur bansa kiatai ke diatu. Kasih mih aku betati ke tudah diri enti ngira pemerinsa enggau penyauh bala Iaban tinggal daklam arus pemansang kemaya ari. Kitai siti bansa ke berani munyi ke dipadahka Sir James Brooke kelia. Tang kini tunga pemerani nya, nyau abis tinggal ba pemeli tinggal berapa tanjung ari orang bukai.
Baka ke diatu kitai majak jenuh berandauka duit BR1M ke diberi perintah besai ngagai ketuai bilik tang bisi mega kitai beratika ulah sereta berundingka cherita ba belakang BR1M. Bisi sekeda mati ngirup, bisi mega gaga nerima duit nya lalu beterima kasih ngagai perintah, bisi sekeda enda ingat jalai diri ke jai jamah ujan ke kelalu bangat sereta jalai nadai ulih ditengah lalu. Ketegal RM500 bisi ngelaya diri serumah ketegal enda bulih. Bisi mega sibuk ngabas ngagai opis D.O ngiga nama diri ninting ari sampaika enda ingat pengawa nangkal di rumah. Bisi sekeda iya ke enda ampit ngapir berapa kali laban nadai bulih. Tu sekeda ulah bansa kitai.
Iya ke berunding ba belakang nya lagi mayuh mega penemu, lalu madah perintah besai meri duit laban ke deka bepilih besai tu ila. Kitai pan berati ke pengawa tu. Bisi mega bala YB beambi ulih nyua ke baucer tu ngagai bala orang ke bulih. Nama nya enggai enda Yb nyua dih taja duit nya ari perintah besai. Sida Yb Bakatu sigi ka ngambi nama kediri aja. Nadai ibuh besua ka ari jari YB. Laban duit nya sigi ari Bajet 2012, enda ibuh bala besekut ba sebelah Bank enggau Dewan Suarah nganti YB ke bisi ari.Berupai amat Yb ke bansa tu ka ngambi nama aja.
Bantu ke bakatu beguna ngagai bala orang ke merinsa lalu 500 nya amat besai guna ba sida. Bakani ka cukai enggau penatai pemisi menua kitai ke diatu. Bisi ka enda jalai ka lucak betanah diadu sereta di tar? Nadai. Nya pemansang meri duit?Ukai. pemansang runding anak besekula nya ke beguna. Jalai enggau karan nya ke patut dulu dipegiga kitai laban nya utai ke diguna. Ai nya utai ke dirup ukai gaga terima RM500 tang lelak besauk ke genuk ba pendai. Lelak betengah ke jalai bedarat pan enda dapat. Laptop 1Malaysia enda idup laban nadai internet enggau karan.
Aku berani bekenang ka utai tu laban tu nyadi ba endur aku Ulu Pedanum Pakan. Tang utaika bakatu mega nyadi ba endur endur ka bukai. Gaga mih kita ke Bulih RM500, Berterima Kasih ngagai Perintah. Majak Merinsa mih kiatai menua pesisir taja nerimaBR1M.
It is our nature. We are an egalitarian society. We are very individualistic. We say what we think and do what we want... Dayak also pratice negative egalitarianism. When someone goes up instead of following him, the Iban will pull him down. (James Masing dalam Star, 9 Mei 2006 dalam Nidzam & Zaini, 2009;115.)
No comments:
Post a Comment