Berita Iban

Bakani berita kitai iban dipeda kita ngelamatu? Bisi ke enda ianya bersangkut paut enggau pengidup kitai ke iban ari sosial, ekonomi enggau pemansang budaya kitai ke lebih agi. Kitai diatu semina bisi  Berita Iban ba Utusan Borneo lalu bisi berita ba Kenyalang(aku enda nemu sekalika tu surat khabar tauka semina perengka bacha pemerindang aja). Pia mega kitai bisi Majalah ke beung iya terbilang ba kitai ianya majalah Pegari. Tu endang sigi ari pemansang media bacha ba kitai iban.

Enti kitai beratika semua media ke dikemisi kitai kelimpah ari TV enggau Radio. Kitai jauh tinggal ari pengerembai berita enggau runding ke patut dikerenbai ka kitai empu. Berita Iban agi nangi ke politik lalu kelalu berciping. Utai ke baka tu tau nyadi bias dalam berita ti deka ditaburka. Retinya semua berita ti dibantaika semina ngemenangka sepiak aja.

Utaika baka patut dikelarika kitai ngagai semua penulis berita iban enda ngira ari semua medium ti dikena. Laban uati tu tau nyadika siti ari pengurang kitai bansa. Kitai enda berani lalu kitai empu ulih temu orang pengurang alai orang bukai beambi ulih. tajapan kiatai agi bepanggai ba undang-undang, tang uundang-undang nya empu bisi meri peluang ngagai kitai asal aja kitai enda ngelaban enggau chara kelalu radikal.

Kitai empu bisi kompeni ke bulih lesen ngaga Majalah.lalu kitai empu bisi penulis berita enggau penabur ba semua medium kelimpah agi radio. Tajapan bala kita bisi etika pemberita kediri empu tang kita mega mesti bisi tanggungjawab ngagai bansa diri. Nadai orang bukai dikarapka kitai enti enda kitai empu.